الزمن غدار

السلام عليكم ورحمه الله وبركاته

انا اخوكم المسعودي ويسعدني ويشرفني اني اكون احد اعضاء هذا المنتدى الشامخ واتمنى ان ارقى معكم الى الامام بمنتدانا الشامخ وهذه اول مشاركه لي واتمنى ان تنال اعجابكم

الزمن ياصاحبي غدار واحواله عجيبه

في الزمن هذا انا شفت العجب شفت العجايب

صعب ياصاحب تلاقي الحين واحد تعتزيبه

لاتثق ياصاحبي لا في شباب ولافشايب

القريب اليوم يغدر ياصديقي في قريبه

والشقيق اليوم يغدر في شقيقه والقرايب

والقريب اليوم يازينه مع الناس الغريبه

اااه يادنيا تورينا الهوايل والغرايب

والغني لوكان مليان بعيوب وكبر عيبه

مايشوفون العيوب الناس ولافيه عايب

والفقير الي فحاله جالساً طفران جيبه

جا ولا ماحضر معهم تراه انسان غايب

الزمن ماله امان ولاصديق ولاصحيبه

يوم معك ويوم ضدك لاصديق ولاصحايب

والزمن ياصاحبي قاسي ويحرقنا لهيبه

وفيه ناس مع الزمن ضدك يزيدون اللهايب

ياصديقي صلت انا في دنيتي جوله صعيبه

ياعسى الله يبعدك ياصاحبي درب الصعايب

ياصديقي هلت دموعي على خدي سكيبه

وصحت بااعلى صوت والعبرات من عيني سكايب

يافهد من كان جرح القلب دايم يعتنيبه

راح واقفى يافهد ويدون ذنب ولاسبايب

راح بعد انه ترك في قلبي اجروحاً عطيبه

من بعدها ياصديق الروح ماظني بطايب

زاد همي هم في صدري عسى ربي حسيبه

راح واقفى يافهد من بعد ماكنا حبايب

فيه في قلبي جروح أقدام هي شفت المصيبه

والحبيب اليوم ياصاحب جروح جداد جايب

مايدواي جرح قلبي لاطبيب ولاطبيبه

بس من درب الهوا ياصاحبي والله تايب

وطالبك يارب يلي لادعاء مسلم تجيبه

وطالبك يارب يامعبود فراج الكرايب

وكل واحد في حياته مايجيه الانصيبه

رحمتك يارب لاحطو على قبري نصايب

وسلامتكم