حمل الغياب اللي تركته وداعه
............... أتعب متوني شوق وأظناني أعتاب
شلته صبر وأشبعت حزني جياعه
................ ألـيـن مامل السـهـر قلـبـي وذاب
شفني على رحب الزمن وأتساعه
............... ساكن زوايا غربتي وقافل الباب
على أمل لقياك لو ربع ساعه
............ منيت روحي بشوفتك ياأغلى الاحباب
عشتك مطر غيم نسى روي قااعه
............. عشم عروقي ري وأخلفـني وغاب
وليته بعد ماغاب جتني مناعه
.............. بالعكس صرت أتخيله بين الاهداب
صرت أكذب الكذبه وأشيع الاشاعه
............... وأصدق إنه جاء من طولة غياب
مليت اساير هالزمان وخداعه
............. ومليت من نفسي وأنا ابدي لك أسباب
ياصاحبي ماعاد فيني إستطاعه
.............. أنزع غيابك وألبس حضورك ثيباب
مني أكتفى همي ومل القناعه
.............وخسرت أنا كنزين صبري والاقراب
والمشكله ماهي .. غياب وشناعه
.............المشكله .. من شي اشوفه والاتعاب
بالذات مع ذكراك مالي وقاعه
...........وأصبحت أهذري فيك..رايق ومـرتاب
ملامحك تسكن وجيه الجماعه
............ وإسمك ,, أنادي فيه ناسي والاصحاب
صوتك تبنى مسمعي وإنصياعه
............. وكلي على بعضي مع طيوفك أنساب
يا(نور) فجري ياضياه وشعاعه
.............. يالغايب الحاضر بعيني,, ولـو غاب
شخص ترك رووحه بيدينك وداعه
.............. وسلمك قلبه ,, ولاحسب للجفا حساب
يما تجي وتنهي مسلسل ضياعه
............. وإلا لموته ,,أعـتـبـر نـفـسك .. أسباب
