قصيدة من اب الى ابنه.........

عزي لحالك ياوليدي وانا ابوك = كان الزمان اللي وطاني توطاك
تراه مايننفعك لاخالك ولا اخوك = لا صار ماتقظي لزومك بيمناك
وربعك الى بان الخلل فيك عافوك = اقرب قريب لك من الناس يشناك
ان كثر مالك صدقولك وطاعوك = وان قل من بين اياديك شانت حلاياك
لو تطلب الماء عندهم منه مسقوك = ابعد مدارك عن وطنهم ومرباك
وان طاب حظك قربوا لك وحطوك =وان بارك بك محدن يبي غير فرقاك
وهراجة المجلس الى جيت وروك =منازلن تطرب نظيرك بيمناك
واليا قظوا منك اللوازم وخلوك = تفرقوا وانت تحتمل كل ماجاك
كنك سراج البيت للنور شبوك = واليا قظا اللزم حد الربع طفاك
واليا جفوك اهل الوطن واستخفوك =الا عريسه من من نوادم ركاياك
تراك لو ترجع على الرجل صعلوك= احسن من اللي ترتجيله ويطاك
واصحى خلان الرخى لو تعافوك = اعرف ترى اطيبهم ليا احتجت يجفاك
واعرف ترا مالك من الضيف مفكوك = لولاه يطلب حاجته منك ماجاك